Կառավարության նիստում որոշվեց արտոնություն տալ «Նաիրիան» ընկերությանը։
«Նաիրիան» փակ բաժնետիրական ընկերության կողմից ներմուծվող ապրանքներն օգտագործվելու են բնական և օրգանիկ կոսմետիկ միջոցների արտադրության մեջ:«Նաիրիան» ՓԲԸ-ն կիրականացնի 130 մլն դրամի ներդրում, և կստեղծվի 4 նոր աշխատատեղ՝ 150 000 ՀՀ դրամ միջին աշխատավարձով։
Արտադրանքի նախատեսված ծավալները ծրագրի ընթացքում կկազմեն մոտ 320 մլն ՀՀ դրամ, որից մոտ 192 մլն ՀՀ դրամը կիրացվի ՀՀ տարածքում, մոտ 25,6 մլն ՀՀ դրամը՝ ԵԱՏՄ այլ անդամ երկրներում և մոտ 102,4 մլն ՀՀ դրամը՝ երրորդ երկրների տարածքում։Արտոնություն ստանալու համար ներկայացված ապրանքների արժեքը կազմում է 68 699 000 ՀՀ դրամ: Մաքսատուրքի ազատման արտոնությունը կազմում է 7 290 075 ՀՀ դրամ:Ներմուծվող ապրանքները չեն ներմուծվում ԵԱՏՄ անդամ-երկրներից, քանի որ բացակայում է ընկերության պահանջներին բավարարող ապրանքների արտադրությունը ԵԱՏՄ անդամ-երկրներում։
Մաքսային արտոնություն տրամադրվեց նաև«Այ պլաստ» ՍՊԸ-ին:Ընկերության կողմից ներմուծվող ապրանքներն օգտագործվելու են բժշկական կպչուն սպեղանիի արտադրության մեջ։Նախատեսվում է ծրագրի շրջանակում իրականացնել 23 մլն 825 հազար դրամի ներդրում` նոր սարքավորումների ձեռքբերման համար: Ներկայում առկա է 6 աշխատատեղ, նախատեսվում է ներդրումային ծրագրի շրջանակում ստեղծել ևս 3 նոր աշխատատեղ՝ 120,000 դրամ միջին աշխատավարձով։Ծրագրով նախատեսված արտադրանքի ընդհանուր ծավալը կազմելու է 15 մլն դրամ, որից 10 մլն դրամի արտադրանքը կիրացվի ՀՀ տարածքում, 5 մլն դրամի արտադրանքը` ԵԱՏՄ այլ անդամ երկրների տարածքում:Արտոնություն ստանալու համար ներկայացված ապրանքների արժեքը կազմում է 129 մլն 878 հազար դրամ: Մաքսատուրքի ազատման արտոնությունը կազմում է 8 մլն 33 հազար դրամ:
Կառավարությունը որոշեց բավարարել նաև «Ոսկե կար» ՍՊ ընկերության ներկայացրած հայտը գերակա ոլորտում իրականացվող ներդրումային ծրագրի շրջանակում մաքսատուրքից ազատման արտոնությունից օգտվելու համար: Ընկերության կողմից ներմուծվող ապրանքներն օգտագործվելու են հագուստի արտադրության մեջ։Ծրագրի շրջանակում նախատեսվում է իրականացնել 2 մլրդ դրամի ներդրում` հումքի ձեռքբերման համար: Ներկայումս առկա է 151 աշխատատեղ: Նախատեսվում է ստեղծել 60 նոր աշխատատեղ՝ 111,000 ՀՀ դրամ միջին աշխատավարձով։ Ծրագրով նախատեսված արտադրանքի ընդհանուր ծավալը կկազմի 3 մլրդ 750 մլն դրամ, որից 3 մլրդ 37 մլն 500 հազար դրամի արտադրանքը իրացվելու է ՀՀ տարածքում, 712 մլն 500 հազար դրամի արտադրանքը` ՌԴ -ում:Արտոնություն ստանալու համար ներկայացված ապրանքների արժեքը կազմում է 1 մլրդ 987 մլն 200 հազար դրամ: Մաքսատուրքի ազատման արտոնությունը կազմում է 158 մլն 130 հազար դրամ:
Կառավարությունը մաքսային արտոնություն տրամադրեց նաև «Արտ Գլոբալ» ՍՊ ընկերությանը: Ընկերության կողմից ներմուծվող հումքն օգտագործվելու է թղթե և ստվարաթղթե արտադրատեսակների (թղթե բաժակների, ափսեների և այլն) արտադրության մեջ։ Ծրագրի շրջանակներում նախատեսվում է իրականացնել 250 մլն ՀՀ դրամի ներդրում և ստեղծել 20 նոր աշխատատեղ՝ 150, 000 դրամ միջին աշխատավարձով։Արտադրանքի նախատեսված ծավալները ծրագրի ընթացքում կազմելու են մոտ 1 մլրդ դրամ, որից մոտ 700 մլն դրամը կիրացվի ՀՀ տարածքում, մոտ 250 մլն դրամը՝ ԵԱՏՄ այլ անդամ երկրներում և մոտ 50 մլն դրամը՝ երրորդ երկրների տարածքում։ Արտոնություն ստանալու համար ներկայացված ապրանքների արժեքը կազմում է 246 մլն 780 հազար դրամ: Մաքսատուրքի ազատման արտոնությունը կազմում է 12 մլն 339 հազար դրամ:
Արտոնություն ստացավ նաև «ԻՆ-ՎԻ» ՍՊ ընկերությունը: Ընկերության կողմից ներմուծվող ապրանքներն օգտագործվելու են մալուխների և հաղորդալարերի արտադրության մեջ։ Արդեն իսկ իրականացվել է 387 մլն ՀՀ դրամի ներդրում` կապիտալ և շրջանառու միջոցների համալրման համար: Ծրագրի շրջանակում նախատեսվում է իրականացնել 1 մլրդ 220 մլն դրամի ներդրում` կապիտալ և շրջանառու միջոցների համալրման համար: Ներկայումս առկա է 65 աշխատատեղ, ներդրումային ծրագրի շրջանակում կստեղծվի ևս 10 նոր աշխատատեղ՝ 155,000 դրամ միջին աշխատավարձով։Ծրագրով նախատեսված արտադրանքի ընդհանուր ծավալը կազմելու է 5 մլրդ դրամ, որն ամբողջությամբ իրացվելու է ՀՀ տարածքում: Արտոնություն ստանալու համար ներկայացված ապրանքների արժեքը կազմում է 1 մլրդ 80 մլն ՀՀ դրամ: Մաքսատուրքի ազատման արտոնությունը կազմում է 70 մլն 200 հազար դրամ:
Այսպիսով՝ «Նաիրիան» ՓԲԸ-ն կիրականացնի 130 մլն դրամի ներդրում,«Այ պլաստ» ՍՊԸ- ն՝ 23.8 մլն դրամի ներդրում, «Ոսկե կար» ՍՊԸ-ն՝ 2 մլրդ դրամի ներդրում, «Արտ Գլոբալ» ՍՊԸ-ն՝ 250 մլն դրամի ներդրում, «Ին-Վի» ՍՊԸ- ն՝ 1.22 մլրդ դրամի ներդրում:
Արդյունքում կիրականացվի մոտ 3.6 մլրդ դրամի ներդրում, կստեղծվի մոտ 100 նոր աշխատատեղ: